பெண்கள், குழந்தைகளுக்கு எதிரான குற்றங்களில் விரைவாக நீதி கிடைக்க 26 போக்சோ சிறப்பு நீதிமன்றங்கள்: முதல்வர் விஜய் உத்தரவு
பெண்கள், குழந்தைகளுக்கு எதிரான குற்றங்களைத் தடுக்கவும், பாதிக்கப்பட்டவர்களுக்கு விரைவாக நீதி கிடைக்கவும் 26 போக்சோ சிறப்பு நீதிமன்றங்கள் அமைக்க முதல்வர் விஜய் உத்தரவிட்டுள்ளார். ரூ.46.59 கோடி செலவில் அமைக்கப்படும் இந்த நீதிமன்றங்களுடன், போதைப்பொருள் வழக்குகளுக்காக நான்கு புதிய சிறப்பு நீதிமன்றங்களும் அமைக்கப்பட உள்ளன.

தமிழகம் முழுவதும் நிலுவையில் உள்ள போக்சோ வழக்குகளின் நிலை குறித்து நடைபெற்ற ஆய்வுக் கூட்டத்தில், போக்சோ வழக்குகளின் விவரம், தற்போதைய நிலை மற்றும் போக்சோ சட்டத்தின் கீழ் பதிவாகும் வழக்குகளை மட்டும் விசாரிப்பதற்கென கூடுதலாகத் தேவைப்படும் நீதிமன்றங்கள் ஆகியவை குறித்து தமிழக முதல்வர் விஜய் விரிவாகக் கேட்டறிந்தார். ஆய்வின் அடிப்படையில், இவ்வழக்குகளின் விசாரணையை விரைவுபடுத்தி, குற்றம் நிரூபிக்கப்பட்டவர்களுக்கு உரிய தண்டனை பெற்றுத் தருவதற்கான நடவடிக்கைகளும் மேற்கொள்ளப்பட வேண்டும் என்றும், அனைத்து மாவட்டங்களிலும் போக்சோ நீதிமன்றங்களை அமைப்பதற்குத் தேவையான உடனடி நடவடிக்கைகளை மேற்கொள்ளுமாறும் முதல்வர் உத்தரவிட்டார்.
ஏற்கெனவே, குழந்தைகளைப் பாதுகாக்கும் சட்டத்தின் கீழ் பதிவு செய்யப்படும் வழக்குகளை மட்டும் விசாரிப்பதற்காக மாநிலத்தில் 22 சிறப்பு நீதிமன்றங்கள் செயல்பட்டு வருகின்றன; மேலும் நான்கு சிறப்பு நீதிமன்றங்கள் செயல்பாட்டுக்கு வரும் நிலையில் உள்ளன. நிலுவையில் உள்ள வழக்குகளின் எண்ணிக்கையையும் கருத்தில் கொண்டு, முதல்வரின் அறிவுறுத்தலின்படி 12 புதிய சிறப்பு நீதிமன்றங்களும், 14 கூடுதல் சிறப்பு நீதிமன்றங்களும் என மொத்தம் 26 புதிய சிறப்பு நீதிமன்றங்கள் ரூ.46.59 கோடி செலவில் அமைக்க அரசாணை வெளியிடப்பட்டுள்ளது. இதன்மூலம், தமிழகத்திலுள்ள 47 காவல் மாவட்டங்களுக்கு மொத்தம் 52 சிறப்பு நீதிமன்றங்கள் அமைய உள்ளன. நிலுவையில் உள்ள வழக்குகளில் விரைவான விசாரணை நடவடிக்கைகள் மேற்கொள்ளப்பட வேண்டும் என்றும் தெரிவிக்கப்பட்டுள்ளது.
அதேபோல, தமிழக அரசின் போதைப்பொருள் இல்லாத தமிழ்நாடு இயக்கத்தின் ஒரு பகுதியாக, போதைப்பொருள் கடத்தல், பயன்பாட்டைக் கட்டுப்படுத்துவதுடன், போதைப்பொருள் மற்றும் மனமயக்கப் பொருட்கள் சட்டத்தின் கீழ் பதிவு செய்யப்படும் வழக்குகளை விரைவாக விசாரித்து முடிக்க பல்வேறு நடவடிக்கைகள் மேற்கொள்ளப்பட்டு வருகின்றன. தற்போது தமிழகத்தில் 11 சிறப்பு நீதிமன்றங்கள் செயல்பட்டு வருகின்றன. இந்நிலையில், முதல்வரின் உத்தரவின்படி, காஞ்சிபுரம், திருவள்ளூர் மற்றும் வேலூர் ஆகிய மூன்று இடங்களில் தலா ஒரு சிறப்பு நீதிமன்றமும், சென்னையில் ஒரு கூடுதல் சிறப்பு நீதிமன்றமும் என மொத்தம் நான்கு புதிய சிறப்பு நீதிமன்றங்களை அமைக்க அரசாணை வெளியிடப்பட்டுள்ளது. இதன்மூலம், நிலுவையில் உள்ள வழக்குகளை விரைவாக விசாரித்து முடிப்பதற்கும், நீதித்துறை நடைமுறைகளை மேலும் விரைவுபடுத்துவதற்கும் வழிவகை செய்யப்படும் என்றும், போதைப்பொருள் இல்லாத தமிழகத்தை உருவாக்க அரசின் இலக்கை நோக்கித் தொடர்ந்து செயல்படுவதற்கும் வழிவகை செய்யப்பட்டுள்ளது என்றும் தமிழக அரசின் செய்திக்குறிப்பில் தெரிவிக்கப்பட்டுள்ளது.
இந்தச் செய்தியைப் பகிருங்கள்
தொடர்புடைய கட்டுரைகள்

முதல்வர் குறித்துப் பேசிய வழக்கில் எஸ்பிளனேடு காவல் நிலையத்தில் சேகர்பாபு ஆஜர்: ஒன்றரை மணி நேரம் விசாரணை
சட்டப்பேரவையில் முதல்வர் விஜய் கூறிய கருத்துகளுக்கு எதிர்ப்பு தெரிவித்து திமுக நடத்திய கண்டன ஆர்ப்பாட்டத்தில் பேசியது தொடர்பான வழக்கில், சேகர்பாபு நேற்று எஸ்பிளனேடு காவல் நிலையத்தில் ஆஜரானார். அவரிடம் காவல்துறையினர் ஒன்றரை மணி நேரம் விசாரணை நடத்தினர்.
· 1 நிமிட வாசிப்பு

காலி பாட்டில் திட்டத்துக்கு எதிர்ப்பு: டாஸ்மாக் பணியாளர்கள் கடையடைப்பு போராட்டம் — பத்துக்கும் மேற்பட்டோர் பணியிடை நீக்கம்
காலி மதுபாட்டில்களைத் திரும்பப் பெறும் புதிய நடைமுறையை எதிர்த்து டாஸ்மாக் பணியாளர்கள் நேற்று தமிழகம் முழுவதும் பெரும்பாலான கடைகளை மூடிப் போராட்டத்தில் ஈடுபட்டனர். மாவட்ட மேலாளர் அலுவலகங்கள் முற்றுகையிடப்பட்ட நிலையில், போராட்டத்தில் ஈடுபட்ட பத்துக்கும் மேற்பட்டோரைப் பணியிடை நீக்கம் செய்துள்ளதாக அமைச்சர் விக்னேஷ் தெரிவித்துள்ளார்.
· 2 நிமிட வாசிப்பு

தி.மு.க. தலைவர் குறித்து கேலி, கிண்டல் பதிவு — த.வெ.க. தகவல் தொழில்நுட்ப அணி மீது சென்னை காவல் ஆணையரிடம் தி.மு.க. புகார்
த.வெ.க. அரசைக் கண்டித்து இன்று (31-10-2026) தமிழ்நாடு முழுவதும் தி.மு.க. மகளிர் அணி சார்பில் நடைபெறும் கண்டன ஆர்ப்பாட்டம் குறித்து, தி.மு.க. தலைவர் மு.க. ஸ்டாலின் காணொலி பதிவின் வாயிலாக அழைப்பு விடுத்திருந்தார். அதனை த.வெ.க.வின் அதிகாரபூர்வ தகவல் தொழில்நுட்ப அணியின் சமூக வலைத்தளத்தில் கேலியும் கிண்டலும் செய்யும் வகையில் விஷமத்தனமான கருத்துகளை பதிவேற்றம் செய்து, ஸ்டாலினின் புகழுக்கும் பெயருக்கும் களங்கம் விளைவித்ததாகக் கண்டித்து, தி.மு.க. சார்பில் இன்று சென்னை பெருநகர காவல்துறை ஆணையரிடம் புகார் மனு அளிக்கப்பட்டுள்ளது.
· 1 நிமிட வாசிப்பு

சட்டம் ஒழுங்கு பிரச்சினைகளைத் திசை திருப்ப தவெக அரசு முயற்சி — விஜய் ஆட்சிக்கு வந்ததிலிருந்து மக்களால் ஒரு பைசா கூட சேமிக்க முடியவில்லை; இது கேலிக் கூத்தான அரசு என்றார் ஆர். எஸ். பாரதி
சட்டம் ஒழுங்கு சீர்கேடு, பெண்கள், குழந்தைகள் பாதுகாப்பின்மை, விலைவாசி உயர்வு ஆகிய பிரச்சினைகளில் இருந்து கவனத்தைத் திசை திருப்பவே தவெக அரசு தி.மு.க.வினர் மீது நடவடிக்கை எடுப்பதாக தி.மு.க. அமைப்புச் செயலாளர் ஆர். எஸ். பாரதி குற்றஞ்சாட்டியுள்ளார். விஜய் ஆட்சிக்கு வந்ததிலிருந்து மக்களால் ஒரு பைசா கூட சேமிக்க முடியவில்லை என்றும், இது கேலிக் கூத்தான அரசு என்றும் அவர் தெரிவித்துள்ளார்.
· 1 நிமிட வாசிப்பு

