00:00 IST 30°C

சட்டம் ஒழுங்கு பிரச்சினைகளைத் திசை திருப்ப தவெக அரசு முயற்சி — விஜய் ஆட்சிக்கு வந்ததிலிருந்து மக்களால் ஒரு பைசா கூட சேமிக்க முடியவில்லை; இது கேலிக் கூத்தான அரசு என்றார் ஆர். எஸ். பாரதி

சட்டம் ஒழுங்கு சீர்கேடு, பெண்கள், குழந்தைகள் பாதுகாப்பின்மை, விலைவாசி உயர்வு ஆகிய பிரச்சினைகளில் இருந்து கவனத்தைத் திசை திருப்பவே தவெக அரசு தி.மு.க.வினர் மீது நடவடிக்கை எடுப்பதாக தி.மு.க. அமைப்புச் செயலாளர் ஆர். எஸ். பாரதி குற்றஞ்சாட்டியுள்ளார். விஜய் ஆட்சிக்கு வந்ததிலிருந்து மக்களால் ஒரு பைசா கூட சேமிக்க முடியவில்லை என்றும், இது கேலிக் கூத்தான அரசு என்றும் அவர் தெரிவித்துள்ளார்.

எழுதியவர் திராவிடன் செய்திப் பிரிவு

· புதுப்பிக்கப்பட்டது · 1 நிமிட வாசிப்பு

ஆர். எஸ். பாரதி
ஆர். எஸ். பாரதி

தவெக அரசில் காவல்துறை சட்டம் ஒழுங்கைக் காப்பாற்றவும் பொதுமக்களைக் காப்பாற்றவும் பயன்படுத்தப்படாமல் ஏவல்துறையாக மாற்றப்பட்டுள்ளதாக ஆர். எஸ். பாரதி குற்றஞ்சாட்டினார். சிறையில் இருக்கும் கைதிகளுக்குக் கூட பாதுகாப்பு இல்லாத சூழல் இருப்பதாகவும், பழனி கோயிலுக்குச் சொந்தமான நூறு கோடி ரூபாய் இடம் இரண்டு கோடி ரூபாய்க்கு விடப்பட்ட விவகாரத்தில் முக்கியக் குற்றவாளி உயிரோடு சிறைக்குச் சென்று சில நாட்களில் இறந்தது குறித்து இதுவரை எந்த விசாரணையும் இல்லை என்றும் அவர் தெரிவித்தார்.

முன்னாள் அமைச்சர் அன்பில் மகேஷ் கைது குறித்தும் பாரதி கடுமையாக விமர்சித்தார். ஜாமீன் மனு தள்ளுபடி செய்யப்பட்ட பிறகு, உச்ச நீதிமன்றத்தில் மேல்முறையீடு செய்வதற்காக மூத்த வழக்கறிஞர் வில்சன் அலுவலகத்தில் அவர் பேசிக் கொண்டிருந்த நேரத்தில் காவல்துறையினர் அத்துமீறி உள்ளே சென்று கைது செய்தது மிகவும் கேவலமான செயல் என்றும், மேல்முறையீடு செய்வதற்கான நேரத்தை இயற்கை நீதியின்படி வழங்கியிருக்க வேண்டும் என்றும், இரவு இரண்டரை, மூன்று மணிக்கு அவர் ரிமாண்ட் செய்யப்பட்டதாகவும் அவர் கூறினார்.

திருப்பதி கொடை ஊர்வலத்தில் பெண் காவலர் ஒருவரை தவெகவைச் சேர்ந்த ஒருவர் பாலியல் துன்புறுத்தல் செய்ததாகவும், காவல்துறை வழக்குப் பதிவு செய்த பிறகு மேலிடத்தில் இருந்து தொலைபேசி அழைப்பு வந்தவுடன் அவர் விடுவிக்கப்பட்டதாகவும் பாரதி குற்றஞ்சாட்டினார். பொருளாதார நிபுணர் கலையரசன் அதிகாலையில் காவல்துறையால் அழைத்துச் செல்லப்பட்டு பாதியில் விடுவிக்கப்பட்டதையும் அவர் சுட்டிக்காட்டினார். தவெக தகவல் தொழில்நுட்பப் பிரிவில் இருந்து வரும் அவதூறுகள் குறித்து வழக்கறிஞர் அணி சார்பில் நாற்பது, ஐம்பது புகார்கள் ஆணையரிடம் கொடுக்கப்பட்டும் ஒரு புகார் மீது கூட நடவடிக்கை இல்லை என்றும் அவர் தெரிவித்தார்.

தி.மு.க.வினர் வீடுகளில் சோதனை நடத்தப்படுவது குறித்து தங்களுக்குக் கவலையோ வருத்தமோ இல்லை என்றும், இதுபோன்ற சோதனைகளைப் பலமுறை பார்த்துவிட்டதாகவும் பாரதி கூறினார். அன்பில் மகேஷ் கைதும், கே. என். நேருவுக்குச் சொந்தமான இடங்களில் சோதனையும் திருச்சி கிழக்கு இடைத்தேர்தலை மையமாக வைத்தே நடப்பதாகப் பத்திரிகைகளில் செய்திகள் வந்துள்ளதாகச் செய்தியாளர் கேட்ட கேள்விக்கு, நேரு போன்றவர்கள் பல வழக்குகளைச் சந்தித்து வெற்றி பெற்று வந்தவர்கள் என்றும், அடக்க அடக்கத்தான் தி.மு.க.க்காரன் துடித்து எழுவான் என்றும் அவர் பதிலளித்தார்.

அக்டோபர் 31-ஆம் தேதி நடைபெறும் கண்டன ஆர்ப்பாட்டத்தில் தமிழ்நாடு முழுவதும் லட்சக்கணக்கான தாய்மார்கள் கலந்துகொள்வார்கள் என்றும் பாரதி தெரிவித்தார். தளபதி மு. க. ஸ்டாலின் ஆட்சியில் மாதந்தோறும் வங்கியில் ஆயிரம் ரூபாய் சேமிப்பு, ஆயிரம் ரூபாய் உரிமைத் தொகை, விடியல் பயணத்தில் ஆயிரம் ரூபாய் மிச்சம் என இரண்டாயிரம், மூவாயிரம் ரூபாய் மிச்சம் செய்து தீபாவளி, பொங்கலுக்கு நகை வாங்கியதாக மக்கள் தன்னிடம் கூறியதாகவும், ஆனால் விஜய் ஆட்சிக்கு வந்ததிலிருந்து ஒரு பைசா கூட சேமிக்க முடியவில்லை என்றும் அவர் கூறினார்.

இந்தச் செய்தியைப் பகிருங்கள்

AMP

தொடர்புடைய கட்டுரைகள்

ஜி.எஸ்.டி. வருவாயிலும் பின்னடைவு, 1,614 கோடி கொரிய முதலீடும் ஆந்திராவுக்கு — த.வெ.க. ஆட்சியைச் சாடிய ஸ்டாலின்
அரசியல்

ஜி.எஸ்.டி. வருவாயிலும் பின்னடைவு, 1,614 கோடி கொரிய முதலீடும் ஆந்திராவுக்கு — த.வெ.க. ஆட்சியைச் சாடிய ஸ்டாலின்

காலையில் கடந்து வந்த இரு செய்திகளைச் சுட்டிக்காட்டியுள்ள தி.மு.க. தலைவர் மு.க.ஸ்டாலின், ஜி.எஸ்.டி. வருவாய் வளர்ச்சியில் தேசிய சராசரிக்கும் கீழே தமிழ்நாட்டின் வளர்ச்சி த.வெ.க. ஆட்சியில் புதைக்கப்பட்டிருப்பதாகவும், தமிழ்நாட்டுக்கு வர வேண்டிய 1,614 கோடி ரூபாய் கொரிய முதலீடுகள் த.வெ.க. அரசின் அலட்சியத்தால் ஆந்திராவுக்குச் சென்றுவிட்டதாகவும் குற்றம்சாட்டியுள்ளார். தமிழ்நாட்டுக்குச் செழிப்பையும், தமிழர்களுக்குப் புதிய வேலைவாய்ப்புகளையும் தர வேண்டிய வழிகாட்டுதல் அமைப்பே இந்த ஆட்சியில் தனிநபர்களின் ஈகோவுக்குக் காவு கொடுக்கப்பட்டுவிட்டதாகவும், எல்லாத் துறைகளிலும் இவ்வாறு பின்னோக்கிச் செல்லும் ஆட்சியை இ

· 1 நிமிட வாசிப்பு

முதல்வர் குறித்துப் பேசிய வழக்கில் எஸ்பிளனேடு காவல் நிலையத்தில் சேகர்பாபு ஆஜர்: ஒன்றரை மணி நேரம் விசாரணை
அரசியல்

முதல்வர் குறித்துப் பேசிய வழக்கில் எஸ்பிளனேடு காவல் நிலையத்தில் சேகர்பாபு ஆஜர்: ஒன்றரை மணி நேரம் விசாரணை

சட்டப்பேரவையில் முதல்வர் விஜய் கூறிய கருத்துகளுக்கு எதிர்ப்பு தெரிவித்து திமுக நடத்திய கண்டன ஆர்ப்பாட்டத்தில் பேசியது தொடர்பான வழக்கில், சேகர்பாபு நேற்று எஸ்பிளனேடு காவல் நிலையத்தில் ஆஜரானார். அவரிடம் காவல்துறையினர் ஒன்றரை மணி நேரம் விசாரணை நடத்தினர்.

· 1 நிமிட வாசிப்பு

மு.க. ஸ்டாலின்
அரசியல்

தி.மு.க. தலைவர் குறித்து கேலி, கிண்டல் பதிவு — த.வெ.க. தகவல் தொழில்நுட்ப அணி மீது சென்னை காவல் ஆணையரிடம் தி.மு.க. புகார்

த.வெ.க. அரசைக் கண்டித்து இன்று (31-10-2026) தமிழ்நாடு முழுவதும் தி.மு.க. மகளிர் அணி சார்பில் நடைபெறும் கண்டன ஆர்ப்பாட்டம் குறித்து, தி.மு.க. தலைவர் மு.க. ஸ்டாலின் காணொலி பதிவின் வாயிலாக அழைப்பு விடுத்திருந்தார். அதனை த.வெ.க.வின் அதிகாரபூர்வ தகவல் தொழில்நுட்ப அணியின் சமூக வலைத்தளத்தில் கேலியும் கிண்டலும் செய்யும் வகையில் விஷமத்தனமான கருத்துகளை பதிவேற்றம் செய்து, ஸ்டாலினின் புகழுக்கும் பெயருக்கும் களங்கம் விளைவித்ததாகக் கண்டித்து, தி.மு.க. சார்பில் இன்று சென்னை பெருநகர காவல்துறை ஆணையரிடம் புகார் மனு அளிக்கப்பட்டுள்ளது.

· 1 நிமிட வாசிப்பு

திருவோணம் கழகச் செயல்வீரர் எம்.வி.அண்ணாதுரை மறைவு — உதயநிதி ஸ்டாலின் இறுதி மரியாதை
அரசியல்

திருவோணம் கழகச் செயல்வீரர் எம்.வி.அண்ணாதுரை மறைவு — உதயநிதி ஸ்டாலின் இறுதி மரியாதை

தஞ்சை மத்திய மாவட்டம், திருவோணம் ஒன்றிய முன்னாள் இளைஞரணி அமைப்பாளரும், கழகத்தின் செயல்வீரருமான சகோதரர் எம்.வி.அண்ணாதுரை மறைந்த நிலையில், உதயநிதி ஸ்டாலின் திருவோணம் மேனட்ராயன்விடுதியில் உள்ள அவரது இல்லம் சென்று அவரது திருவுடலுக்கு மாலை வைத்து இறுதி மரியாதை செலுத்தியுள்ளார். அவரை இழந்து வாடும் குடும்பத்தார், நண்பர்களுக்கு ஆறுதல் தெரிவித்துள்ளார்.

· 1 நிமிட வாசிப்பு