00:00 IST 30°C

கோவை பெரியார் அறிவுலகம் நூல் கொள்முதல் முறைகேடு — வழக்குப்பதிவு செய்து விசாரிக்க லஞ்ச ஒழிப்புத்துறைக்கு உத்தரவிடக் கோரி உயர்நீதிமன்றத்தில் பரந்தாமன் மனு

கோவை பெரியார் அறிவுலகத்துக்கு புத்தகங்கள் கொள்முதல் செய்ததில் முறைகேடு நடந்துள்ளதாகக் கூறி, வழக்குப்பதிவு செய்து விசாரணை நடத்த லஞ்ச ஒழிப்புத்துறைக்கு உத்தரவிடக் கோரி, தி.மு.க. சட்டத்துறை இணைச் செயலாளர் இ. பரந்தாமன் சென்னை உயர்நீதிமன்றத்தில் மனு தாக்கல் செய்துள்ளார். மனு மீதான விசாரணையை நீதிபதி வி. லட்சுமிநாராயணன் நவம்பர் 23-ஆம் தேதிக்கு தள்ளிவைத்துள்ளார்.

எழுதியவர் திராவிடன் செய்திப் பிரிவு

· 1 நிமிட வாசிப்பு

கோவை பெரியார் அறிவுலகம் நூல் கொள்முதல் முறைகேடு — வழக்குப்பதிவு செய்து விசாரிக்க லஞ்ச ஒழிப்புத்துறைக்கு உத்தரவிடக் கோரி உயர்நீதிமன்றத்தில் பரந்தாமன் மனு

சென்னை: கோவை பெரியார் அறிவுலகத்துக்கு புத்தகங்கள் கொள்முதல் செய்ததில் முறைகேடு நடந்துள்ளதாகக் கூறி, வழக்குப்பதிவு செய்து விசாரணை நடத்த லஞ்ச ஒழிப்புத்துறைக்கு உத்தரவிட வேண்டும் எனக் கோரி, தி.மு.க. சட்டத்துறை இணைச் செயலாளர் இ. பரந்தாமன் சென்னை உயர்நீதிமன்றத்தில் மனு தாக்கல் செய்துள்ளார்.

அந்த மனுவில், அகல் விளக்கு மற்றும் ஃபீனிக்ஸ் பதிப்பகங்களில் இருந்து அதிக எண்ணிக்கையில், செயற்கை நுண்ணறிவு தொழில்நுட்பத்தைப் பயன்படுத்தி தயாரிக்கப்பட்ட புத்தகங்கள் கொள்முதல் செய்யப்பட்டுள்ளதாகவும், இந்தப் புத்தக கொள்முதலில் பெரும் அளவில் முறைகேடுகள் நடந்துள்ளதாகவும் குற்றம்சாட்டப்பட்டுள்ளது. இது குறித்து கடந்த 7-ஆம் தேதி தாம் லஞ்ச ஒழிப்புத்துறைக்கு புகார் அளித்ததாகவும், ஆனால் இதுவரை எந்தவொரு குற்ற வழக்கும் பதிவு செய்யப்படவில்லை என்றும் அந்த மனுவில் கூறப்பட்டுள்ளது.

இந்த மனு நீதிபதி வி. லட்சுமிநாராயணன் முன் விசாரணைக்கு வந்தபோது, காவல்துறை தரப்பில், ஏற்கெனவே இந்த விவகாரம் தொடர்பாக உயர்நீதிமன்ற மதுரை அமர்வு வழக்கை விசாரித்து, பல்வேறு கேள்விகளை எழுப்பியுள்ளது என்றும், இந்த வழக்கு நாளை (20.11.2026) மதுரை அமர்வில் விசாரணைக்கு வரவுள்ளது என்றும் தெரிவிக்கப்பட்டது.

மேலும், இந்த விவகாரம் தொடர்பாக வழக்குப்பதிவு செய்த லஞ்ச ஒழிப்புத்துறை, அகல் விளக்கு பதிப்பக பதிப்பாளர் மோகனை கைது செய்துள்ளதாகவும், புத்தக கொள்முதல் தொடர்பாக பொது நூலகத்துறை இயக்குநரிடம் விவரங்கள் சேகரிக்கப்பட்டதாகவும், அந்த விவரங்கள் அனைத்தும் மதுரை அமர்வில் தாக்கல் செய்யப்படும் என்றும் காவல்துறை தரப்பில் தெரிவிக்கப்பட்டது.

மனுதாரர் தரப்பில் ஆஜரான மூத்த வழக்கறிஞர் என்.ஆர். இளங்கோ, லஞ்ச ஒழிப்புத்துறை விசாரணையில், ஏராளமான ஆதாரங்களை வைத்துள்ள பரந்தாமனை சாட்சியாக விசாரிக்க வேண்டும் எனக் கோரிக்கை விடுத்தார்.

இதையடுத்து, ஏற்கெனவே இதுதொடர்பான வழக்கை மதுரை அமர்வு விசாரித்து வருவதால், ஒருவேளை லஞ்ச ஒழிப்புத்துறை விசாரணையை மதுரை அமர்வு கண்காணிக்கும் என உத்தரவு பிறப்பிக்கப்பட்டால், இந்த வழக்கை மதுரை அமர்வுக்கு மாற்ற தலைமை நீதிபதிக்கு பரிந்துரைக்கலாம் எனத் தெரிவித்த நீதிபதி, மதுரை அமர்வில் நாளை வழக்கு விசாரணைக்கு வரும்போது, பரந்தாமன் மனுத்தாக்கல் செய்துள்ள விவரத்தை தெரிவிக்க வேண்டும் என காவல்துறை தரப்புக்கு அறிவுறுத்தி, மனு மீதான விசாரணையை நவம்பர் 23-ஆம் தேதிக்கு தள்ளிவைத்துள்ளார்.

இந்தச் செய்தியைப் பகிருங்கள்

AMP

தொடர்புடைய கட்டுரைகள்

தவெக ஆட்சியில் வைஸ் சிட்டி ஆகும் தமிழ்நாடு! — சென்னையில் ₹700 கோடி ஹெராயின் பறிமுதல் குறித்து ஸ்டாலின் கண்டனம்
அரசியல்

தவெக ஆட்சியில் வைஸ் சிட்டி ஆகும் தமிழ்நாடு! — சென்னையில் ₹700 கோடி ஹெராயின் பறிமுதல் குறித்து ஸ்டாலின் கண்டனம்

சென்னையில் ₹700 கோடி மதிப்பிலான ஹெராயினை ஒன்றிய வருவாய்ப் புலனாய்வுத் துறை பறிமுதல் செய்துள்ள நிலையில், தமிழ்நாட்டுக்குள் நடக்கும் இவ்வளவு பெரிய போதைப் பொருள் நடமாட்டத்தை மாநிலக் காவல்துறையால் ஏன் பிடிக்க முடியவில்லை என்று தி.மு.க. தலைவர் மு.க. ஸ்டாலின் கேள்வி எழுப்பியுள்ளார். போதைப் பொருள் கடத்தலைத் தடுக்க அமைக்கப்பட்ட 65 சிறப்பு அதிரடிப் படைகள் என்ன செய்கின்றன என்றும், உள்துறையை வைத்திருக்கும் முதலமைச்சர் விஜய் எப்போது பேசுவார் என்றும் அவர் கேட்டுள்ளார்.

· 1 நிமிட வாசிப்பு

சட்டம்-ஒழுங்கு தோல்வியை மறைக்க புள்ளிவிவரத்தின் பின் ஒளிந்துகொள்வதா? — டி.ஜி.பி. பேட்டியை கண்டித்த உதயநிதி
அரசியல்

சட்டம்-ஒழுங்கு தோல்வியை மறைக்க புள்ளிவிவரத்தின் பின் ஒளிந்துகொள்வதா? — டி.ஜி.பி. பேட்டியை கண்டித்த உதயநிதி

கடந்த 5 ஆண்டுகளை ஒப்பிடுகையில், இந்த 6 மாத ஆட்சியில் கொலைகள் குறைந்துவிட்டதாக காவல்துறை டி.ஜி.பி. மகேஷ் குமார் அகர்வால் பெருமிதம் தெரிவித்திருப்பது உண்மை நிலையை மறைப்பதாக உள்ளது என்று உதயநிதி ஸ்டாலின் கண்டித்துள்ளார். தீபாவளி அன்று மட்டும் 17 உயிர்கள் பறிபோன நிலையில், கொலைகள் குறைந்துவிட்டதாகக் கூறுவது ஆறுதல் அல்ல, நிர்வாகத்தின் அவலம் என்றும் அவர் தெரிவித்துள்ளார்.

· 2 நிமிட வாசிப்பு

இது பாசிசமா, பாயாசமா? — டைம்ஸ் ஆஃப் இந்தியா ஆசிரியரின் பதிவுகள் நீக்கம்: மு.க. ஸ்டாலின் கேள்வி
அரசியல்

இது பாசிசமா, பாயாசமா? — டைம்ஸ் ஆஃப் இந்தியா ஆசிரியரின் பதிவுகள் நீக்கம்: மு.க. ஸ்டாலின் கேள்வி

த.வெ.க.வினரின் குற்றப் பட்டியலைத் தொகுத்து, அதுகுறித்து முதலமைச்சர் விஜய் வாய்திறக்க மறுப்பதை விமர்சித்து டைம்ஸ் ஆஃப் இந்தியா ஆசிரியர் அருண் ராம் கட்டுரை எழுதியதைத் தொடர்ந்து, அவரது சமூக வலைத்தளப் பக்கத்தில் இருந்து பதிவுகள் நீக்கப்பட்டதாக மு.க. ஸ்டாலின் தெரிவித்துள்ளார். இதற்குப் பின்னணியில் தமிழ்நாடு அரசின் சைபர் கிரைம் பிரிவு இருக்கிறதா என்றும், யாருடைய உத்தரவினால் இது நடக்கிறது என்றும் அவர் கேள்வி எழுப்பியுள்ளார்.

· 1 நிமிட வாசிப்பு

முதல்வருக்கு அரோகரா என்பதெல்லாம் ஆணவத்தின் உச்சம் — அழிவு நிச்சயம்: கீதா ஜீவன் கண்டனம்
அரசியல்

முதல்வருக்கு அரோகரா என்பதெல்லாம் ஆணவத்தின் உச்சம் — அழிவு நிச்சயம்: கீதா ஜீவன் கண்டனம்

திருச்செந்தூர் சூரசம்ஹாரத்தில் முருகனுக்குப் பதில் முதல்வருக்கும் அமைச்சருக்கும் அரோகரா என்று கோஷமிடப்பட்டதை முன்னாள் அமைச்சர் கீதா ஜீவன் கடுமையாகக் கண்டித்துள்ளார். பக்தர்களுக்கு ஒரு துளி மரியாதை கூட வழங்கப்படவில்லை என்றும், கோஷமிட்டவர் மீது அரசு நடவடிக்கை எடுக்க வேண்டும் என்றும் அவர் வலியுறுத்தியுள்ளார்.

· 1 நிமிட வாசிப்பு