00:00 IST 28°C

மன்னிப்பு எல்லாம் கேட்க முடியாது — ஆதவ் அர்ஜூனாவுக்கு பரந்தாமன் பதிலடி

நாகை த.வெ.க. நிர்வாகி தொடர்பான போதைப்பொருள் கடத்தல் விவகாரத்தில் ஆதவ் அர்ஜூனா வாய்திறக்காதது குறித்து பத்திரிகையாளர் சந்திப்பில் கேள்வி எழுப்பியதற்காக மன்னிப்பு கேட்க வேண்டும் என அவர் அனுப்பிய வழக்கறிஞர் அறிக்கைக்கு மன்னிப்பு கேட்க முடியாது என தி.மு.க. சட்டத்துறை இணைச் செயலாளர் இ. பரந்தாமன் தமது வழக்கறிஞர் மூலம் பதில் மனு அனுப்பியுள்ளார்.

எழுதியவர் திராவிடன் செய்திப் பிரிவு

· 1 நிமிட வாசிப்பு

மன்னிப்பு எல்லாம் கேட்க முடியாது — ஆதவ் அர்ஜூனாவுக்கு பரந்தாமன் பதிலடி

சென்னை: நாகை த.வெ.க. நிர்வாகி தொடர்பான போதைப்பொருள் கடத்தல் விவகாரத்தில் ஆதவ் அர்ஜூனா வாய்திறக்காதது குறித்து பத்திரிகையாளர் சந்திப்பில் கேள்வி எழுப்பியதற்காக மன்னிப்பு கேட்க வேண்டும் என அவர் அனுப்பிய வழக்கறிஞர் அறிக்கைக்கு மன்னிப்பு கேட்க முடியாது என தி.மு.க. சட்டத்துறை இணைச் செயலாளரும் செய்தித் தொடர்பாளருமான இ. பரந்தாமன் தமது வழக்கறிஞர் மூலம் பதில் மனு அனுப்பியுள்ளார்.

நாகப்பட்டினம் மாவட்டத்தில் உள்ள ஒரு கடலோரக் கிராமத்தில், கடல் நடுவில் மாற்றுவதன் மூலம் இலங்கைக்குக் கடத்தப்பட இருந்த ரூ. 100 கோடிக்கும் அதிகமான மதிப்புள்ள சுமார் 137 கிலோ படிக மெத்தபெட்டமைனை வருவாய் புலனாய்வு இயக்குநரகம் பறிமுதல் செய்து, தமிழக வெற்றிக் கழகத்தின் நாகப்பட்டினம் மாவட்டச் செயற்குழு உறுப்பினர் என். பூபாலனை கைது செய்துள்ளது.

ஆனால், சிறு துறைமுகங்கள் துறையின் பொறுப்பு அமைச்சராகவும் தமிழ்நாடு கடல்சார் வாரியத்தின் தலைவராகவும் இருக்கும் அமைச்சர் ஆதவ் அர்ஜூனா இதுவரை எந்தவித விளக்கமும் அளிக்கவில்லை என்று பரந்தாமன் குற்றம்சாட்டியுள்ளார். இது குறித்து கேள்வி எழுப்பினால் மட்டும் அச்சுறுத்தி முடக்கும் வகையில் வழக்கறிஞர் வாயிலாக அறிக்கை அனுப்பி மிரட்ட நினைப்பதாகவும் அவர் தெரிவித்துள்ளார்.

மக்கள் பிரச்சினைகளை முன்வைத்து பொதுவில் இருக்கும் தகவலைத்தான் பத்திரிகையாளர் சந்திப்பில் பேசியுள்ளதாகக் கூறியுள்ள பரந்தாமன், ஆகவே மன்னிப்போ நஷ்ட ஈடோ வழங்க வேண்டிய அவசியம் இல்லை என்றும், மேற்படி வழக்கு தொடர்ந்தால் சந்திக்கத் தயார் என்றும் தமது வழக்கறிஞர் அ. சரவணன் மூலம் ஆதவ் அர்ஜூனாவுக்கு பதில் மனு அனுப்பியுள்ளார்.

இந்தச் செய்தியைப் பகிருங்கள்

AMP

தொடர்புடைய கட்டுரைகள்

திருப்பத்தூரில் பட்டப்பகலில் இரட்டைக் கொலை; பல்லாவரத்தில் இளைஞர் வெட்டிக் கொலை: சட்டம் ஒழுங்கில் கவனம் செலுத்துங்கள் — உதயநிதி ஸ்டாலின் கண்டனம்
அரசியல்

திருப்பத்தூரில் பட்டப்பகலில் இரட்டைக் கொலை; பல்லாவரத்தில் இளைஞர் வெட்டிக் கொலை: சட்டம் ஒழுங்கில் கவனம் செலுத்துங்கள் — உதயநிதி ஸ்டாலின் கண்டனம்

திருப்பத்தூர் மாவட்டம் தோரணம்பதி அருகே பட்டப்பகலில் ஆண், பெண் என இருவர் வெட்டிப் படுகொலை செய்யப்பட்டுள்ளனர். பல்லாவரத்தில் ஆகாஷ் என்ற இளைஞர் நேற்றிரவு வெட்டிக் கொலை செய்யப்பட்டுள்ளார். இதற்கும் காவல்துறை தலைவரை வைத்து புள்ளிவிவரங்களைச் சொல்ல வைத்து சமாளிக்கப் போகிறாரா என்று பொம்மை முதலமைச்சரை நோக்கி உதயநிதி ஸ்டாலின் கேள்வி எழுப்பியுள்ளார். சட்டம் ஒழுங்கில் கவனம் செலுத்த வேண்டும் என்றும் அவர் வலியுறுத்தியுள்ளார்.

· 1 நிமிட வாசிப்பு

திருப்பரங்குன்றம் விவகாரம்: தி.மு.க. அரசு கடுமையாகப் போராடி அமைதியையும் மதநல்லிணக்கத்தையும் நிலைநாட்டியது — அடுத்தகட்ட சட்ட நடவடிக்கை என்ன? முதலமைச்சர் விளக்க வேண்டும்: மு.க. ஸ்டாலின்
அரசியல்

திருப்பரங்குன்றம் விவகாரம்: தி.மு.க. அரசு கடுமையாகப் போராடி அமைதியையும் மதநல்லிணக்கத்தையும் நிலைநாட்டியது — அடுத்தகட்ட சட்ட நடவடிக்கை என்ன? முதலமைச்சர் விளக்க வேண்டும்: மு.க. ஸ்டாலின்

திருப்பரங்குன்றம் மலை தீபத்தூணில் கார்த்திகை தீப நாளான நவம்பர் 24-ஆம் தேதி விளக்கேற்ற உச்ச நீதிமன்றம் ஒருமுறை அனுமதி வழங்கியுள்ள நிலையில், தி.மு.க. அரசு இந்த விவகாரத்தில் கடுமையாகப் போராடி தமிழ்நாட்டின் அமைதியையும் மதநல்லிணக்கத்தையும் நிலைநாட்டியதாக மு.க. ஸ்டாலின் தெரிவித்துள்ளார். அடுத்தகட்டமாக த.வெ.க. அரசு என்ன சட்ட நடவடிக்கை மேற்கொள்ள உள்ளது என்பதை முதலமைச்சர் விளக்க வேண்டும் என்றும் அவர் வலியுறுத்தியுள்ளார்.

· 1 நிமிட வாசிப்பு

காவிரியில் 11 டி.எம்.சி. தண்ணீர் கேட்ட மனுக்கள் தள்ளுபடி: அனைத்துக்கட்சிக் கூட்டத்தை உடனடியாகக் கூட்டுங்கள் — ஸ்டாலின்
அரசியல்

காவிரியில் 11 டி.எம்.சி. தண்ணீர் கேட்ட மனுக்கள் தள்ளுபடி: அனைத்துக்கட்சிக் கூட்டத்தை உடனடியாகக் கூட்டுங்கள் — ஸ்டாலின்

காவிரியில் 11 டி.எம்.சி. தண்ணீர் கேட்டு தமிழ்நாடு அரசு தாக்கல் செய்த இரண்டு மனுக்களையும் உச்ச நீதிமன்றம் இன்று தள்ளுபடி செய்துள்ளது. குறுவை போய் சம்பாவும் கருகும் நிலையில், விவசாயிகள் தண்ணீரை விலைக்கு வாங்கும் அவலம் நிலவுவதாகக் கூறியுள்ள மு.க. ஸ்டாலின், காவிரி நீருரிமையை நிலைநாட்ட என்ன செய்தீர்கள், பயிர்களைக் காப்பாற்ற என்ன திட்டம், பாதிக்கப்பட்ட விவசாயிகளுக்கு நிவாரணம் எப்போது, முழுமையான பயிர்க்கடன் தள்ளுபடி எப்போது என நான்கு கேள்விகளை எழுப்பி, அனைத்துக்கட்சிக் கூட்டத்தை உடனடியாகக் கூட்டுமாறு முதலமைச்சரை வலியுறுத்தியுள்ளார்.

· 1 நிமிட வாசிப்பு

திராவிடன்
அரசியல்

நீதிக்கட்சி தொடங்கப்பட்ட நாள் இன்று: தி.மு.க. இளைஞர் அணி பதிவு

தென்னிந்திய நல உரிமைச் சங்கமான நீதிக்கட்சி தொடங்கப்பட்ட நாளை முன்னிட்டு தி.மு.க. இளைஞர் அணி பதிவிட்டுள்ளது. ஆயிரம் ஆண்டுகால அடிமைத்தனத்தை அரசியல் அதிகாரத்தின் மூலம் முறியடிக்க வழிவகுத்த கட்சி என்றும், உரிமை மறுக்கப்பட்ட தென்னிந்திய மக்களின் குரலாய்ப் பிறந்த அதன் வழியில் சமத்துவச் சமுதாயம் படைக்க அயராது உழைப்போம் என்றும் அந்தப் பதிவில் தெரிவிக்கப்பட்டுள்ளது.

· 1 நிமிட வாசிப்பு