பாதியில் நின்றிருந்தால் இந்த அரசு பெரியார் அறிவுலகத்துக்கும் மூடுவிழா நடத்தியிருக்கும் — கோவையில் ஸ்டாலின் பேட்டி
கோவையில் பெரியார் அறிவுலகத்தைப் பார்வையிட்ட தி.மு.க. தலைவர் மு.க.ஸ்டாலின், அதன் பணிகள் 99 விழுக்காடு முடிந்திருந்ததால்தான் அது தப்பியதாகவும், பாதியில் நின்றிருந்தால் இந்த அரசு அதற்கும் மூடுவிழா நடத்தியிருந்தாலும் ஆச்சரியமில்லை என்றும் செய்தியாளர்களிடம் தெரிவித்துள்ளார். திராவிடம் என்றால் என்ன, தந்தை பெரியாரின் லட்சியங்கள் என்ன என்பதை அறிந்துகொள்ள இளைஞர்களும் மாணவர்களும் அறிவுலகத்துக்கு வந்து பார்க்க வேண்டும் என்றும் அவர் வேண்டுகோள் விடுத்துள்ளார். மதுரை, நெல்லை, திருச்சி நூலகங்களைத் தொடர்ந்து மேலும் இதுபோன்ற நூலகங்கள் வர வேண்டும் என்ற தமது விருப்பத்தையும் அவர் தெரிவித்துள்ளார்.

கோவை: திராவிடர் கழகத்தின் சார்பில் நடைபெற்ற “பெரியார் அறிவுலகம் கண்ட திராவிட நாயகருக்கு நன்றி பாராட்டு விழா” நிகழ்வில் பங்கேற்கக் கோவை சென்ற தி.மு.க. தலைவர் மு.க.ஸ்டாலினுக்கு மாவட்டக் கழகத்தின் சார்பில் உற்சாக வரவேற்பு அளிக்கப்பட்டது. அதனைத் தொடர்ந்து, கோவை மாவட்டக் கழகப் புதிய அலுவலகக் கட்டடப் பணிகளுக்கு அவர் அடிக்கல் நாட்டினார்.
பின்னர், திராவிடர் கழகத் தலைவர் ஆசிரியர் கி.வீரமணியுடன் பெரியார் அறிவுலகத்தைப் பார்வையிட்ட ஸ்டாலின், செய்தியாளர்களைச் சந்தித்துப் பேட்டி அளித்தார்.
தமது கனவுத் திட்டம் எப்படி வந்திருக்கிறது என்ற கேள்விக்குப் பதிலளித்த அவர், திராவிட மாடல் அரசின் கனவுத் திட்டமான தந்தை பெரியார் பெயரில் அமைந்திருக்கும் இந்த அறிவுலகத்தை, அது முழுமையடைந்து திறந்து வைக்கப்பட்டதற்குப் பிறகு இன்று ஆசிரியர் அவர்களோடு பார்க்கும் அரிய வாய்ப்பு தமக்குக் கிடைத்ததாகத் தெரிவித்தார். கூட்டம் அதிகமாக இருந்ததால் பொறுமையாக அனைத்தையும் பார்க்க முடியாத சூழல் ஏற்பட்டதாகவும், இன்னொரு முறை நிச்சயமாக இதை முழுமையாகப் பார்க்க வேண்டும் என்ற ஆசை தமது உள்ளத்தில் தோன்றியிருப்பதாகவும் அவர் கூறினார்.
இன்றைக்குத் தமிழ்நாடு போய்க்கொண்டிருக்கும் சூழலில், திராவிட இயக்கம் என்றால் என்ன, திராவிடம் என்றால் என்ன, தந்தை பெரியாரின் உணர்வுகள் என்ன, அவருடைய லட்சியங்கள் என்ன என்பதை அறிந்துகொள்ள இளைஞர்களும் மாணவர்களும் இதை வந்து பார்த்து, தங்களுடைய அறிவுத் திறனை வளர்த்துக்கொள்ள வேண்டும் என்ற அன்பான வேண்டுகோளையும் அவர் விடுத்தார்.
தமிழ்நாட்டில் இதுபோன்ற நூலகங்கள் மேலும் வர வாய்ப்பிருக்கிறதா என்ற கேள்விக்கு, கலைஞர் முதலமைச்சராக இருந்தபோது கோட்டூர்புரத்தில் அண்ணா நூற்றாண்டு நூலகம் உருவாக்கப்பட்டதையும், தமது தலைமையிலான திராவிட மாடல் ஆட்சியில் மதுரையில் கலைஞர் பெயரால் நூற்றாண்டு நூலகம் அமைக்கப்பட்டதையும் அவர் நினைவுகூர்ந்தார். நெல்லையில் காயிதே மில்லத் பெயரால் நூலகம் அமைக்க உத்தரவிடப்பட்டிருப்பதாகவும், திருச்சியில் பெருந்தலைவர் காமராஜர் பெயரில் நூலகம் அமைப்பதற்கான பணிகள் ஓரளவு முடிந்திருப்பதாகவும், அது விரைவில் திறக்கப்படும் என்றும் அவர் தெரிவித்தார்.
கோவையில் தந்தை பெரியார் பெயரில் அமைந்திருக்கும் இந்த நூலகத்தைப் பொறுத்தவரை 99 விழுக்காடு பணிகள் முடிந்துவிட்டதாகக் குறிப்பிட்ட அவர், ஒருவேளை அது பாதியில் இருந்திருந்தால், இதற்கும் இந்த அரசு மூடுவிழா நடத்தியிருந்தாலும் ஆச்சரியப்படுவதற்கு இல்லை என்றும், நல்லவேளை இது தப்பித்திருக்கிறது என்றும் கூறினார். அதேபோன்று மற்ற நூலகங்களும் வர வேண்டும் என்ற தமது விருப்பத்தையும் அவர் தெரிவித்தார்.
இந்தச் செய்தியைப் பகிருங்கள்
தொடர்புடைய கட்டுரைகள்
எழுத்தாளர் இரா. முருகன் மறைவு — மு.க. ஸ்டாலின் இரங்கல்
நவீனத் தமிழ் இலக்கியத்தின் குறிப்பிடத்தக்க படைப்பாளிகளுள் ஒருவரான எழுத்தாளர் இரா. முருகன் மறைவெய்திய செய்தியறிந்து தி.மு.க. தலைவர் மு.க. ஸ்டாலின் மிகுந்த வருத்தம் தெரிவித்துள்ளார். கவிதை, சிறுகதை, நாவல், கட்டுரை, மொழிபெயர்ப்பு, திரைக்கதை எனப் பல்வேறு தளங்களில் தனது படைப்பாற்றலால் தமிழ் இலக்கியத்திற்குச் செழுமை சேர்த்தவர் அவர் என்றும், அவரது மறைவு தமிழ் இலக்கிய உலகிற்குப் பேரிழப்பு என்றும் அவர் தெரிவித்துள்ளார்.
· 1 நிமிட வாசிப்பு

வெங்காயம் வாங்கக்கூடத் தெரியாத ஆட்சி — அழுகிய வெங்காயத்தை மறைத்தது யார் என்று கேட்கிறார் உதயநிதி
ரேஷன் கடைகள் வழியாக மக்களுக்கு வழங்குவதற்காக வாங்கப்பட்ட வெங்காயம் தரமற்று அழுகிய நிலையில் இருந்ததாகவும், அதை மறைக்க அரசு முயன்றதாகவும் தி.மு.க. இளைஞரணிச் செயலாளர் உதயநிதி ஸ்டாலின் குற்றம் சாட்டியுள்ளார். எந்த ஆய்வும் இல்லாமல் பெரும் அளவு வெங்காயம் வாங்கப்பட்டதாகவும், அதன் ஒரு பகுதி திருச்சி சந்தைக்கு அனுப்பப்பட்டபோது வணிகர்கள் அதை வாங்க மறுத்துவிட்டதாகவும் அவர் தெரிவித்துள்ளார். தரமற்ற வெங்காயத்தை வாங்கியது யார், அதை மறைக்க முயன்றது யார் என்று அவர் கேள்வி எழுப்பியுள்ளார்.
· 1 நிமிட வாசிப்பு

கேரளத்தில் குறைந்த விலைக்கு மின்சாரம் கிடைக்கும்போது தமிழ்நாட்டில் ஏன் முடியவில்லை — சுதந்திரமான விசாரணை வேண்டும் என்றார் ஸ்டாலின்
கேரளத்தில் மின்சாரக் கொள்முதல் தொடர்பாக எழுந்த சர்ச்சையில் தமிழ்நாட்டுக்கு ஒரு பாடம் இருப்பதாக தி.மு.க. தலைவர் மு.க.ஸ்டாலின் தெரிவித்துள்ளார். கேரளத்தில் ஒரு யூனிட் மின்சாரம் குறைந்த விலைக்குக் கிடைப்பதாகக் கூறப்படும் நிலையில், தமிழ்நாட்டில் அதைவிடப் பல மடங்கு அதிக விலை கொடுத்து மின்சாரம் வாங்கப்படுவதாக அவர் குற்றம் சாட்டியுள்ளார். இதில் எவ்வளவு பெரிய முறைகேடு நடந்துள்ளது, யார் யார் இதில் தொடர்புடையவர்கள் என்பதைச் சுதந்திரமான, வெளிப்படையான ஆணையம் விசாரிக்க வேண்டும் என்றும் அவர் வலியுறுத்தியுள்ளார்.
· 1 நிமிட வாசிப்பு

திருவோணம் கழகச் செயல்வீரர் எம்.வி.அண்ணாதுரை மறைவு — உதயநிதி ஸ்டாலின் இறுதி மரியாதை
தஞ்சை மத்திய மாவட்டம், திருவோணம் ஒன்றிய முன்னாள் இளைஞரணி அமைப்பாளரும், கழகத்தின் செயல்வீரருமான சகோதரர் எம்.வி.அண்ணாதுரை மறைந்த நிலையில், உதயநிதி ஸ்டாலின் திருவோணம் மேனட்ராயன்விடுதியில் உள்ள அவரது இல்லம் சென்று அவரது திருவுடலுக்கு மாலை வைத்து இறுதி மரியாதை செலுத்தியுள்ளார். அவரை இழந்து வாடும் குடும்பத்தார், நண்பர்களுக்கு ஆறுதல் தெரிவித்துள்ளார்.
· 1 நிமிட வாசிப்பு

